HƏR YOL MÜBAHSA, YOLUN YOXDUR

Qorxaqlıq, kimliksizlik həmişə kimləsə özünümüqayisə, bəhsetməni körükləyir. Kimisə keçmək, özünü yarışdaymış kimi hissi daimi aşağılıq kompleksinin təzahürüdür.

"Alçaldılmış və təhqir olunmuş adamlar" (F. Dostoyevski) bu duyğunun ağırlığı altında əzilir...zatən sifətlərindən sürtülmüşlük-əzilmişlik-ifadəsizlik-xarizmasızlıq oxunur.. Nəticə etibarı ilə konyuktral, qibləsiz, "HƏR ŞEY VƏ HEÇ NƏ" (U. EKO) olurlar; harada yaşamasından, mənsəbindən, irqindən-cinsindən asılı olmayaraq....

MƏNİ DƏ ƏN ÇOX ÜZƏN...TOPLUMUMUZUN GET-GEDƏ HƏRŞEY VƏ HEÇNƏ OLMAQLA öyünməsidi, sonrası çürümə və...bir DƏ VƏ...əgər siman, mütəxəssisliyin, daxili duruşun-xarakterin varsa, toplumun qəbul etməməsidi.

Dialektika bu ki, cəmiyyət-dəniz zir-zibili atır sahilə, mənəviyyat-bulaq bulandırılsa da bir gözündən durulur..indi tərsindən baxaq harda təmiz sular varsa, cəmiyyət-dəniz onu qəbul etmir, zir-zibilin ağırlıq dərəcəsi nə qədər artıb (özünüz təsəvvür edin), bulaq-mənəviyyat mütamadi bulandırılıb və bulağın gözü kor olub...durulmur ki, durulmur...ya bir əl bir ucdan bulandırır, həyatı-bulağı-cəmiyyəti durulmağa qoymur.

Hamı biri-birinə oxşamaz ki...məsələ onda ki, əzik, miyanə, alverçi tipində birisənsə, qəbul görürsən. HAMIDAN BİRİ OLMAQ-PALAZA BÜRÜNÜB SÜRÜNMƏK.

Məsələ hamının istedad sahibi, xarizmatikliyi istəyi deyil, çürümüş, əyri-üyrü simalardı, daxilən də....haradan hara gəldim.

Hamı yığışıb BİRİni sındırmağa sözləşiblər. O , hamıya əzilmiş ruhunu, sınmış-sındırılmış adamlığını xatırladır, biz öz xatirəmizdən də qorxuruq, xəyal qurmaqdan da.

Ziyalı...ziyalıkimi, şair yox, şairfason, yamsılayıcı...Biri-birinin bədbəxtliyinə hesablanan sevinc, bu nə aşağılıq duyğudur; Onu da bədbəxt eləyib öz günümə saldım, üstün oldum, oğrunun pulu olar, varı olmaz..

Onu da deyim ki, nəyisə dəyişmək, nəsə ummaq kimi səfehlikdən uzağam, o getdiyin yolları əlimin tərsiylə itələmişəm, məbədə aparmır, bizə baxıb yanlış yola düşür sonrakılar; Görürsən, "za to"...

sadəcə, düşüncələrimi bölüşməsəm,, ilk öncə özümü, sonra cəmiyyətə, DÖVLƏTƏ qarşı sorumluluğumu yerinə yetirmiş olmaram.,..

Bizlərdəsə, heç yaltaq da olmaz, olsa...olsa..."YALAQA" olar, Əziz Nesinin "Şərq-Qərb yaltağı" qarşılaşdırmasını xatırladım.