bu cavan yaşda,

Anan nalə çəkir havalı başda,

Sənsiz qan ağlayır torpaq da daş da,

Sönübdü çırağın qayıt a qardaş!

Bacıların qan yaş tökür ağlayır,

Ürəklərin qardaş dağı dağlayır,

Kədər yaşı gözlərində çağlayır,

Sönübdü çırağın qayıt a qardaş!

Bir anda dünyana qaranlıq çökdü,

Gedişin hər kəsin çiyninə yükdü,

Göydə mələklər də göz yaşı tökdü,

Sönübdü çırağın qayıt a qardaş!

Bircə gün həyatda gülmədi üzün,

Dürüstlük doğruluq olubdu sözün,

Hər yerdə görünür yerişin izin,

Sönübdü çırağın qayıt a qardaş!

Kaş sənin toyuna şeir yazardım,

Şirni xonçasında itib azardım,

Düşməninə özüm məzar qazardım,

Sönübdü çırağın qayıt a qardaş!

Qurban getdin bir namussuz badına,

Yetəmmədik harayına dadına,

Alınar qisasın tanrı adına,

Sönübdü çırağın qayıt a qardaş!