Fərhad Tapdıqoğlu -  Atam sonuncu xahişimizə əməl etmədi...

YAZARLAR 09:07 / 16.11.2026 Baxış sayı: 866

Düşüncələr

Atamdan nə xahiş edirdiksə,imkan dairəsində onu yerinə yetirirdi.

Bir xahişimizə ,sonuncu xahişimizə isə əməl etmədi.

Nə qədər yalvarıb,ağlayıb ,"ata getmə " desək də cavab vermədi...susdu... dinmədi...getdi...əbədilik bizi tərk etdi...

=

Mədəniyyət ,doğruluq ,saflıq insana verilən ən qiymətli hədiyyələrdir.

Alçaq,keyfiyyətsiz adamlarda onları axtarmaq axmaqlıqdlr.

=

Nimdaş geyimin olanda səni bəyənməyib, yuxarıdan aşağı baxanların yanına gözəl geyimin olanda da getmə.

=

Sən danışanda səni heç anlamırlarsa ,yaxud təsadüfi hallarda anlayırlarsa ,danışmağın məsləhət deyildir,danışma...

=

Əgər bir şəxsin sənə hörməti ,ehtiramı varsa,o sənə qarşı diqqətsiz ola bilməz.

Diqqətsizlik olan yerdə hörmət olmaz.

=

İndi işi,gücü,təhsili olmayan ,bekar insanlar ,"siyasətçi " olub ,işləyən savadlı insanlara "siyasi" dərs keçmək istəyirlər...

=

Görüşəndə pozitiv enerji aldığın,rahat ünsiyyət qurub,maraqla dinlədiyin,görməyəndə darıxdığın biri varsa,bu sənin xöşbəxtliyindir.

=

Etdiyin yaxşılıqlar,xeyirxahlıqlar reklam olunmasa belə,onu kar da eşidə bilir,kor da görə bilir.

=

Səni sevdiklərini eşitmək xoşdur,amma onu hiss etmək ,görmək ikiqat xoşdur.

=

Gənclik illərində gücün olanda vaxtını boş yerə xərcləyib,itirirsənsə,yaşa dolanda vaxtın çox olur,amma güçün qalmır,yenə itirirsən...