Əlizadə Nuri : - Günah da mən, günahkar da...
Ədəbiyyat
14:38 / 12.09.2024
Baxış sayı: 1641
Bir sükuta uduzur,
Milyon adamın səsi.
Hara çıxıb getdi ki
O qaraçı nəğməsi?
İndi necə gizləyim,
Mən bu boyda hüzünü?
Quşlar qanadlarıyla
Saxlayıb göy üzünü...
Haqqın səsi batıbmış,
Yoxsa təkcə kar mənəm?
Mən həm günah imişəm
Həm də günahkar mənəm.
Sular çağırır bizi,
Səs gəlir o quyudan.
Daş intihar edirmiş
Atılaraq qayadan...
.Başımızı kəsdirdik ki-
Baş əyməyək şahlara.
...Bir qucaq sevinc verin
Paylayım uşaqlara...
