Ayaz Arabaçı : -  Getmək lazımdır..

Ədəbiyyat 13:57 / 27.05.2023 Baxış sayı: 1811

Getmək lazımdır,

amma bilmirəm haraya,

Əslində

dəqiq xatırlaya bilmədiyim

bir ünvan var,

nə vaxtsa olduğum..

Bir az dəniz ətirli,

bir az dağ havalı.

Getmək lazımdır, hər il daha çox

Peşimançılıq hissi yaşamamaq üçün.

Getmək istədiyim yer

indi abunə olduğum

ünvanların heç biri deyil.

Bəlkə də çox gecdir amma yenə də olsun.

Getmək lazımdır hamıdan xəbərsiz,

Qatarların qulağına pıçıldayıb..

Bezdim

arzularımı əlimdə tutmaqdan, dişimdə daşımaqdan..

Bezdim xala-xətir yaşamaqdan.

Getmək lazımdır..