Ağaevli Əli Hacı - Haqq gəlib,haqqa gedirəm

Ədəbiyyat 11:20 / 06.10.2026 Baxış sayı: 567

Uca,Nəsiminin şərəfinə

 

Haqq gəlib,haqqa gedirəm

Əlifdən lal,halımdan bəy !

Göstərdim Allah üzünü,

Bələkdə ye,kəfəndə hay !

 

Mim zəbəri mum eylədim,

Tabımla Adəm eşqinə !

Həvvənıda zat eylədim,

Təkliyimin qəm eşqinə !

 

Dal eylədim hər istəyi,

Ha yaşadım Musa kimi !

Qaf eyləyib öz dağımı,

Ya asıldım İsa kimi !

 

Fənimi bir fənd eylədim,

Zəli oldum zalımlara !

Bəni,bəlkənin üzünə

Səbir tutdum zalımlara !

 

Cəhənnəmi cənnət edib,

Dal qoymadım səyə qala !

A zəbəri özüm bildim,

Ze zəbərə ayə qala !