Ağaevli Əli Hacı -Açıb dilimin qapısın

Ədəbiyyat 12:00 / 04.08.2026 Baxış sayı: 538

Açıb dilimin qapısın,

Gərəyimə söz götürdüm !

Üzümə üz bağlamadım,

Bir üzümlə döz götürdüm !

 

Açdım yaxasın gecənin,

Qaçdı yuxusu gecənin !

Alıb qoxusun gecənin,

Sabahıma köz götürdüm !

 

Bu,yollar düzə yaxılıb,

Yol da gözümdən yıxılıb !

Sinəmdəki dağa çıxıb,

Dağ başından düz götürdüm !

 

Çaldı sazın,dedi ozan

Söz ilə yeridi ozan !

Bəlkə,sözdü bəxti yazan,

Söz haqqımdan üz götürdüm !