Xatirə Fərəcli : - TOXUNSAN DONARSAN
Ədəbiyyat
19:25 / 17.01.2025
Baxış sayı: 176
Toxunma,
ruhumun ağrıyan yeri
Soldurar dünyanın rəngini, sökər.
İtirər fəhmini, qarışar aləm,
Cahana bir ağrı zülməti çökər.
Diri udar nə var o ölü zülmət
Udar, nə mərhəmət, nə insaf qanar.
Ağrılar görünməz kimsəyə üzdən
İnsan korun-korun içindən yanar.
İçdəki tüstüdən qurum bağlar can
Ha gizlət, gözləri satar adamı.
Toxunsan, donarsan yandığım yerdən
Mən soyuq adamam, mən hal adamı.
Xatirə Fərəcli
