Şakir Xanhüseynli - nəfsi çox irəli keçirməyəsən
***
nəfsi çox irəli keçirməyəsən,
hər şey demirəm ki,
bir şeylər ola...
barını dərməyə budaq əyəsən,
sayasan bir, iki... bir şeylər ola...
bağlı bir mücrüyə əl uzadasan,
gah sağa baxasan, gah da ki, sola;
dünya ləzzətindən sən də dadasan,
olmayan yerində bir şeylər ola...
yaxın bir ölkəni, uzağı ya da
tutub xəyalında düşəsən yola...
bilirəm, işləməz qəlbin dayaza,
səninçün dərində bir şeylər ola..