Qəşəm Nəcəfzadə : -  Toz

Ədəbiyyat 10:32 / 08.04.2025 Baxış sayı: 1203

 

Gözəl-gözəl sözlər tozuymuş tamam

Gəlin çiçək qoyaq tozun üstünə.

Bəlkə də çiçəkmiş tozun özü də

Qoyulub hər gözəl sözün üstünə.

 

Çoxu az elədim, mən aza endim,

Yüz sözdən qeyb olub bir sözə endim.

İlahi, bu səhər Namaza endim,

Çəkdim yer kürəsin dizim üstünə.

 

Can qoydum hər sözü mən ələ aldım

Yerə qoymadım ki, könlümə aldım

Sənin ayağının tozuymuş sandım

Tozu öpüb qoydum gözüm üstünə.