Namiq Dəlidağlı - VAXT AXRINDA...

Ədəbiyyat 09:10 / 08.10.2026 Baxış sayı: 682

 

​Bu məddah “şairlər”,

yaltaq “şairlər”

kabab iyi verən

şeirləriylə

illərdir ki,

zövqümüzü

zorladılar

yeməkxana

künclərində.

Gah da

kürsülərdən

qollarını

qulaclaya-qulaclaya

duyğularımızı

girov götürdülər...

...Ancaq ruhumuzu

axtalaya bilmədilər.

​Nəfsinə qul

“şairlər”!..

Ölü fikirlərini

bizə sırısalar da,

yaxşı ki, sona qədər

bu yükü daşımadıq...

​P.S.

İşlərində çaşbaş görüm,

Gözlərində təlaş görüm,

Kefli görüm, sərxaş görüm,

Şairi yaltaq görməyim!

​