İnsanda mərifətin çırağı sönəndə o əzəmətini itirir .Cılızlaşır insan...

=

Ürəkdə sevgi olmayanda düz yol da insana yoxuş kimi gələr .

=

Dəhnəsi möhkəm olmayan arxda su olmaz.

=

Sinəsinə ,döşünə döyənlərin çoxu sonradan başına döyür.

=

Düz yol su saxlamaz, təmiz qəlb kin.

=

İnsan həyatı boyu torpağı "döyür",torpaq yenə sonda insanı ağuşuna alır.

=

Pis ömür olmur,yaşadığın ömürdə pis anlar olur.

=

Ən böyük hünərlərdən biri,ağılsız adamla söhbət edəndə özünü ələ almaq bacarığıdır.

=

Paxıllıq -insanın ağlının gözündə tünd qara rəngli eynəkdir.

=

Ailə-sadəcə bir evdə ,bir mənzildə bir yerdə yaşamaq deyil,bir -birləri üçün yaşamaqdır.

=

Alın təri ilə suvarılan torpaqdan götürülən məhsul bol ,dadlı və bərəkətli olar.

=

Allaha bir can borcundan başqa borcu olmayanlar xöşbəxt insanlardır.

=

Ən asan döyüş "başqasının kölgəsini qılınclamaqdır."

=

Hər hansı bir yerin ləkələnsə təmizləyə bilərsən,mənəviyyatın ləkə düşsə ,təmizləmək mümkünsüzdür.

=

Az qalırdı nəfəsi kəsilsin,amma nəfsi kəsilmirdi .

=

İnsanın hər yaşda Allahdan ayrı-ayrı diləyi olsa da,yaşlaşanda ancaq möhlət istəyir.

=

Sadəlik -insanın mənəvi zənginliyinin sözsüz izidir

=

Müdriklik-saf vicdanın üstündə əbədi məskən salmış ağıldır.

=

Cıra calaq vursan ,peyvənd olsa da,içində cırlıq qalar.