AY Bəniz : - EYLƏDİM

Ədəbiyyat 20:01 / 08.06.2026 Baxış sayı: 112

 

Lalələr çiləndi düzə,

Nə hacət deyilən sözə.

Günlərimdən kəsə-kəsə,

Yoluma davam eylədim.

 

Yaşamağın daşın atdım,

Dostu, sirdaşı unutdum.

Özümü çoxbilmiş tutdum,

Fələyi avam eylədim.

 

Ömrü verdim bir cür bada,

Gəlib-gedən düşmür yada,

Eh, sevdiyim adamı da,

Özümə haram eylədim.

 

Bu həsrət bir himə bənddi,

Xəyallar da küsüb getdi.

Hamı sevib dəli etdi,

Mən sevib adam eylədim.