“Şirvannəşr”-də yeni kitab
Qədim Naxçıvanın Şərur elinin Axurakəndində dünyaya göz açmış şair-publisist, Azərbaycan Yazıçılarvə Jurnalistlər Birliklərinin üzvü, “Qızıl Qələm” media mükafatçısı, Qabaqcıl Təhsil işçisi, Prezident mükafatçısıİbrahim Yusifoğlunun 29 adda şeirlər, poemalar və nəsr əsərləri çap edilib oxuculara çatdırılmışdır.
Yenises.az xəbər verir ki, son illərdə İ. Yusifoğlunun 5 (beş) cilddə seçilmiş əsərlərininnəşrinə başlanılmışdır. Artıq birinci cilddə seçilmiş şeirlər, ikincicilddə uşaqlar üçün şeirlər, poemalar və mənzum dramlar,üçüncü cilddə poemalar dərc olunmuşdur.
Yenicə işıq üzü görən dördüncü cilddə müəllifin nəsr əsərləri toplanmışdır. “Yaşaran gözlər” povestində keçən əsrin 70-ciillərin gənclərinin tələbəlik dövründən, kənd həyatından, uğurluvə uğursuz məhəbbətdən söhbət açılır. “Göylərdən ələnən gözyaşlarıydı...” povestində isə 1988-ci ildən başlayaraq xalqımızaedilən təcavüzdən və torpaq uğrunda şəhid olanların kövrək talelərindən söz açılır. “Mənim inamımı güllələdilər” poemasında “Sülhə, Göyərçinə, Qardaşlıq beşiyi” Sovet elinə olan inamın güllələnməsi öz təsvirini tapır. “Şəhidlik ömrün nur
çağı” bölməsində birinci Qarabağ müharibəsi dövründə torpaquğrunda canlarından keçmiş 17 nəfər şəhid vətən övladının igidliyindən bəhs edilir. Ümumiyyətlə ,torpaqlarımız uğrunda canlarından keçən şəhidlərimiz haqqında “Mənim inamımı güllələdilər”poeması poetik nalədirsə ,”Şəhidlik ömrün nur çağı”bölməsindəki yazılar isə publisistik ağıdır.
Kitabda yer almış hekayələr, əfsanələr, yol qeydləri və digər publisist yazılar da maraqlı və oxunaqlıdır.
İbrahim Yusifoğlunun “Seçilmiş əsərləri”nin dördüncü cildi kitabı “Şirvannəşr” nəşriyyatında çap olunubdur.Naşiri Qəşəm İsabəyli,redaktoru Azərbaycan Respublikasının Əməkdar jurnalisti Elman Telmanoğlu,komputer tərtibçisi FidanSalmanovadır.
Tanınmış jurnalist Sara Əzimova kitaba “Sənin xoşbəxtliyin səadətimdir” adlı maraqlı və poetik ön söz yazmışdır.
İnanırıq ki,İ.Yusifoğlunun nəsr əsərləri toplanmış “Seçilmiş əsərləri”nin dördüncü cildi kitabı da şeir kitabları kimi oxuculartərəfindən maraqla qarşılanacaqdır.