Qəlbim buz bağlamış qəm dərəsidir ,

Gözümdə dəmləyib,dərd daşımışam .

Anamın ruhuna qonşu et , Tanrım ,

Mən yerdə qürbəti çox yaşamışam .

Hər balıqqulağı qum saatıdır ,

Zaman qulağından keçir, qurtarmır .

Dalğalar dənizin alın yazısi -

Sahıllər dalğanı biçir , qurtarmır .

Vaxt deyil , əməldir ömrün meyarı ,

Mənasız bir ömrü sağaltmır zaman .

Pul tək xərclənirik vaxtn əlində ,

Əkdiyini biçən bağbandır insan .

Dünya bir bazardır , alır hər ömrü ,

Ömür əmanətdir - mülkümüz deyil .

İnsan hərisidir bu qara torpaq ,

Hər gün addım - addım bizə yol gəlir .

Allahın hökmüylə gecə də keçmir

qırmızı işığı dan yerində - tam .

Anamın ruhuna qonşu et , Tanrım ,

Mən yerdə qürbəti çox yaşamışam .

25 . 06 . 2026

Türkiyə . Samsun şəhəri