Yerə-göyə sığışmayıb

Burnunu dik tutan, qafil.

Əyri işin, bəd əməlin

Kölgəsində yatan qafil.

Yaltaqlıq, məddahlıq edib,

İstəyinə çatan qafil.

Həqiqətin sərt üzü var,

Hər işin geci, tezi var.

Yadda saxla, havalanıb

Atılıb-düşən yıxılır!

Vəzifənə arxalanıb

Öyünməyin bil ki əbəs.

Bir gün sənin qamətini

Əyəsidir boğulan səs!

Hardanmış səndə bu qədər

Var-dövlətə istək-həvəs?!

Axı, səni niyə öyüm,

Ayaq saxla, bir də deyim,

Məzlumların ayağının

Altını eşən yıxılır!

Allahın dinc bəndəsiyəm,

Gücüm biləkdə, dizdədi.

Gizli nəyim var ki axı,

İşığım-odum sözdədi.

Səninsə çuçun-günahın

Ya daldada, ya üzdədi...

Ağlın varsa... ta çaşma ha,

Yersiz kükrəyib-daşma ha...

Özüm şahidəm, kiməsə

Gedib ilişən yıxılır!

18.08.2024