Əlizadə Nuri - Eşqdən dodaqları çartlayan ömür
Ədəbiyyat
20:00 / 02.11.2026
Baxış sayı: 414
Getməyi seçdinsə, get buralardan,
Apar əllərini, kölgəsi qalsın.
Lap götür özünlə yer üzünü də
Tək mənə "ayrılıq ölkəsi" qalsın.
Səndə gizlənmişdim, çıxıram çölə-
Gedib dost olacam o quşlar ilə.
Dünən əllərinlə oynadığımtək
Bu gün oynayıram yağışlar ilə...
Eşqdən dodaqları çartlayıb ömrün,
Özüm də bilmirəm indi necəyəm.
...Yığacam yanıma bu adamları
Hamıya darıxmaq öyrədəcəyəm..
