Ağaevli Əli Hacı  : -  Yağsın üstümə bu gecə

Ədəbiyyat 10:29 / 09.01.2025 Baxış sayı: 484

Yağsın üstümə bu gecə

Göylərin yağışı,qarı !

Üst-başım ağartsın üzün

O,qaralmış buludların !

 

Bir sərçə qonsun sinəmə,

Sinəmdən qəmi dənləsin !

Ayrılığa süfrə açım,

Necədi sükut ?! Dinləsin !

 

Dilimdə qədim söz qalıb,

Özü tapır yavanlığın !

Mən,şeir yox,səs yazıram

Üşütməkçün qaranlığı !

 

Təzə rəng tapmışam,təzə

Alla qaranın arası .

Mən,suyun çıxardım,sənsə

Bağla eşqimin yarasın !

 

Yağsın üstümə bu gecə

Göylərin yağışı,qarı !

Üst-başım ağartsın üzün,

O,qaralmış buludların !