Zaxarova Ermənistan XİN-i aşağıladı: Bəs, İrəvanın Qarabağın Azərbaycana məxsus olduğunu tanıması necə olsun?

SİYASƏT 16:20 / 19.09.2023 Baxış sayı: 974

Rusiya Xarici İşlər Nazirliyinin (XİN) rəsmi nümayəndəsi Mariya Zaxarova Ermənistan XİN-in Rusiya sülhməramlı kontingentinə çağırış etməsinə münasibət bildirib.

Zaxarova Teleqram kanalında rəsmi İrəvanın BMT Təhlükəsizlik Şurası və Rusiya Sülhməramlı Kontingentini Qarabağdakı hərbi əməliyyatları dayandırmağa çağırmasına istehza ilə cavab verib.

“Ermənistan Xarici İşlər Nazirliyi BMT Təhlükəsizlik Şurasını və Rusiya sülhməramlılarını Azərbaycanın Qarabağdakı hərbi əməliyyatlarını dayandırmaq üçün tədbirlər görməyə çağırır.

Bəs, rəsmi İrəvanın Qarabağı Azərbaycana məxsus olduğunu tanıması necə olsun?”, deyə Rusiya XİN sözçüsü erməni həmkarlarını məsxərəyə qoyub./APA