Bir az da təbəssüm

Toyda "toy tutmaq istəyən" müğənniyə o toyda elə bir "toy tutdular " ki, atasının toyu yadına düşdü.

=

Qarnının qurultusunu ürəyinin səsi kimi təqdim edənlər də var...

=

Ən böyük oğurluqlar "saqqız oğurluğu"ndan başlayır...

=

Bir var kvadrat və ya kub kök alma,

Bir də var kvadrat ,yaxud kub kökəlmə.

=

Bir evə qonaq gedən birisinin ayaqqabılarını çıxarmamasının səbəbləri bu da ola bilər:

1) corabları çirklidir,ya cırıqdır...

2)ayaqlarından pis qoxu gəlir...

=

Elan:

Filankəsin ağlı başından çıxıb itdiyi üçün etibarsız sayılır.

=

Bəzi zövqsüz bəzəkdənsə,elə təzək yaxşıdır.

=

İstər "quşbeyin adam ",istərsə də "quşpeyin adam" olsun...Fərqi yoxdur...

=

Aciz,fərsiz kişinin arvadı qonşunun qapısını döyər.

=

Bəzi məmurların dilindən:

"Bu ana torpağın adı ham(ı)mızın,

Sərvəti ,dövləti ,dadı bizimdir"

( Z.Yaquba rəhmət)

=

"Manqallardan çıxan tüstü kasıbın,

Manqalların üstündəki bizimdir"- deyir bəzi məmurlar.

=

"Başqa bir iş gəlmir mənim əlimdən,

Məmur olacağam ölənə kimi"

(P.S.Bunu bəzi millət vəkillərinə də şamil etmək olar)

=

Nağıllarda qəhrəmanlar tez böyüyür,bu gün bizdə, real həyatda "böyüklərin " uşaqları.

=

Siqaret çəkənlərə qarğış:

"Görüm ,tüstüsü burnundan gəlsin"

=

Bir mahnının sözlərini xatırladım:

"A ,telli ,telli oğlan,

Ay şirin dilli oğlan"

Saçlarımız tökülüb,keçəlləşmişik ...Telimiz qalmasa da,şükürlər olsun şirin dilimiz hələ ki,var...

Fərhad Tapdıqoğlu