Bir az da təbəssüm

Əvvəllər vəzifəyə pillə -pillə qalxardılar...

İndi bilmək olmur ki,liftlə qalxırlar ,yoxsa başqa qaldırıcı mexanizmlərlə...

=

Ani sevinc-ofsaytdan vurulan qol...

Ləzzəti hakimin qolu qeydə almadığı ana qədər çəkir...

=

Var-dövlətləri başlarından aşan insanların çoxu görüşəndə əldən tutmağı ,"əl tutmaq " kimi qələmə verirlər...

=

Evdə kondisioneri işə salıb,əyninə isti paltar geyinib oturanla ,qışda otağı çox isti eləyib,əyninə nazik paltar geyinib,yaxud qapı-pəncərəni açıb oturan arasında məncə fərq ola bilməz.Hər ikisi...

=

Var ütülənmiş,ütük adamlar...

Var ütülənməyi vacib olan adamlar...

Var "utillik" ( tamam yarasız,atılası) adamlar...

=

Yarpaqlarını töküb ,"keçəlləşmiş " ağacların başına yağış damcıları əvvəl "çırtma " vurdular...sonra isə ağacların könlünü aldılar:sığalladılar...yudular "keçəllərini" ağacların...

=

Sevincim,fərəhim "it ağzından çıxan" ,cırıq-cırıq olan dar şalvarlara bənzəyir...

Mənlik deyil ...

Dərdim,kədərim əynimin ölçüsündə olan bir dəst paltardı...

Gecələr də çıxarmaq istəmirəm...

=

Sanki buludları "sağırdılar " ...

Sudan "yanıq" olanlar "keyf " elədilər....

=

"Tələsən radara düşər"...

"Tələsən çüxura düşər"...

"Tələsən tıxaca düşər"...

=

Əzizimiz Əzizin tərbiyəsi ondan əziz olmadığından qəliz çıxdı Əziz...

( "Əzizim əziz,tərbiyəsi ondan əziz" deyimini xatırladım)