Əlirza HƏSRƏT - ÇÖRƏK ƏTRİ
Ədəbiyyat
19:33 / 20.09.2026
Baxış sayı: 344
Daşdan çıxan çörəyin,
Adına qurban olum.
Təndirə çörək yapan,
Qadına qurban olum.
Döndün sünbül çətrinə,
Süfrəmizin xətrinə.
Ay çörək,xoş ətrinə,-
Dadına qurban olum.
Çörəyin istisinə,
Alt qıza,üst isinə.
Təndirin tüstüsünə,-
Oduna qurban olum.
...Bax bu duz-çörək sənin,
Dağ mənəm,kürək sənin.
Düşdümmü görək sənin,-
Yadına,qurban olum?!
