Əbülfət Mədətoğlu : - Sinənə, sinənə...

Ədəbiyyat 08:50 / 26.11.2022 Baxış sayı: 4498

 

 

Aç yaxanı, sən dan üzü

Baxım, sinənə, sinənə...

Ümid oynayan bu gözü-

Taxım, sinənə, sinənə!

 

Bu ömrün özəlliyini,

Bu ömrün gözəlliyini...

Yandırıb üzərriyini -

Yaxım, sinənə, sinənə!

 

Köklənim kaman, ya tara

Dönüm yağışa, ya qara!

Soruşma yağacam hara? -

Yağım, sinənə, sinənə!..

 

Məndə hər iş baxtda-baxtdı,

Baxt ya qabar, ya da taxtdı!

Ruhumun sellənən vaxtı -

Axım, sinənə, sinənə!

 



  •