Yazda çiçək açan bu,ağacların

Sözümü gizlədim yarpağlarında !

Külək çiçəklərin yolduğu üçün,

Ağac,söz qaçırdı dodağlarından !

Haraya göndərim bu məktubları ?!

Özgə əl,özgə göz,külək görməsin !

Qoy,elə uzağdan ürəyim yansın,

Qoy,elə yaxından fələk görməsin !

Eşq daha süfrəmdə kasıblığımdı,

Dərd o,qədər bahadı,bölə bilmirəm !

Qəlbimin paytaxtı-ayrılığındı,

Mən də,tənhalığda ölə bilmirəm !

Qəm verdin ömrümə,sağlığın olsun

İçirəm bu ömrü sənsizliyimə !

Bu,qara günlərim, üz ağın olsun,

Bükərsən o,ağı mənsizliyimə !

Keçdi ələyimdən sevgi də,qəm də

Sevgim yaxa cırdı,qəm tanış oldu !

Yol salmaq istədim sən gedən yerə,

Payız yağış yağdı,sonra,qış oldu !

Bu yaz,çiçək açan bu ağacların

Sözümü gizlədim yarpağlarında !

Külək çiçəklərin yolduğu üçün,

Ağac söz qaçırdı dodağlarından !