Bu yaxınlarda Gəncə-Daşkəsən Regional Mədəniyyət İdarəsi Goranboy rayon Mədəniyyət Mərkəzinin tabeliyində fəaliyyət göstərən Şəfəq kənd Mədəniyyət evinin təşkilatçılığı ilə şair, yazıçı-publisist Ələsgər Əlioğlunun yaradıcılığına həsr olunmuş «Bir yarpağam» adlı tədbir təşkil olunmuşdur.

Tədbiri giriş sözü ilə açan Şəfəq kənd Mədəniyyət evinin direktoru Samirə xanım Kazımova şair, yazıçı-publisist Ələsgər Əlioğlunun həyat və yaradıcılığı haqqında geniş məlumat vermişdir.

Tədbirdə Şəfəq kənd İcra nümayəndəsinin müavini Xudiyev Müşviq, Uşaq bağçasının direktoru Qurbanova Şərafət, Şəfəq kənd tam orta məktəbinin kitabxanaçısı Zamanova Həmayə, müəllimlərdən Orucova Sənarə, Bayramova Güldanə çıxış etdilər.

Tədbirdə şagirdlər şairin əsərlərinə həsr olunmuş səhnəciklər və kompozisiyalar səsləndirmişlər. Tədbirin sonunda Şəfəq kənd Mədəniyyət evinin kollektivi şairə gül və hədiyyə təqdim etmişlər. Tədbirin təşkili üçün şair Ələsgər Əlioğlu Şəfəq kənd Mədəniyyət evinin rəhbərinə və kollektivinə öz təşəkkürünü bildirmişdir.