Saqif Qaratorpaq : - QAYIT...

Ədəbiyyat 19:05 / 07.09.2024 Baxış sayı: 595

Buluddan nəm çəkən

Qala divarıyam,

Bürcü sökülmüş,

Sinə gərdiyim döyüşlər

Tarixin xarabalığına gömülmüş...

Şahidim üzümdəki qırışlar.

Yolları kol basmış,

Çığırları ot.

Kimsə xatırlamaz məni,

Başımdan əskik olmaz

Dumanım,çənim.

Uzundu

Gözlərimdəki kədərin hekayəti,

Səbrin çatmaz dinləməyə...

Sus...

Bilirsənmi,nələr pıçıldayır küləklər,

payız çiçəklərinə...

Dağlara qar tez yağır...

Qayıt...