Şakir Xanhüseyn :- ÜSTÜÖRTÜLÜ şeir...

Ədəbiyyat 15:21 / 06.05.2025 Baxış sayı: 1274

 

Üstüörtülü, açıq fikirlər...

Nə olsa da,

bir yerindən gizli qalır

mütləq bir şeylər,

nəğmələr, şeirlər...

Görürsən ki, göz yaşını gizlədir

aşkarda

ağlayan da...

Basdırıb üstünü

itiririk izini çox işimizin-

deyirik qalsın guzlin...

Bu açıq yolların da

gizlidi sağında sol,

solunda sağ,

ay Allah…

söylənilən hər sözün,

diqqət etsən, var gizlinliyi;

adam heç bilmək də istəmir,

əslində, bütün sirləri...