Elnur Uğur Abdiyev : -  Dəllallar

Ədəbiyyat 13:12 / 08.05.2025 Baxış sayı: 1235

İlahi, bu bazar alışıb- yanır

Gündən- günə artır söz dəllalları.

Adamın içini içdən ovurlar,

Üzümüzə gülən üz dəllalları.

 

Hər nəyə heç nəsiz deyib amini.

Yaxşı bitirirlər hər bir ayini.

Bir qaş- gözlə olur min baş zamini,

Bu qaş dəllalları,göz dəllalları.

 

Baxırsan hər həsbi- hal yerindədi,

Şora bax, yağ nədi,bal yerindədi,

İndi özgə işin alverindədi,

Zamanın zamansız öz dəllalları