Adil Şirin : - Bir çiçək açar, solar...

Ədəbiyyat 12:40 / 06.04.2025 Baxış sayı: 983

# # #

Bir çiçək açar, solar

Köksümüzün altında.

Bir xəyal uçar göyə,

Ağ bulud qanadında.

 

Sevdamız qarışdı ayrılıqlara,

Aynalarda bir sirr gizlənib yenə.

Gözlərin aynalardan

Boylanıb baxır mənə.

 

Aynalarda bir sevda,

Könüldə hicran duyğusu.

Gün işığı vurur pəncərələrə,

Açdım pəncərəni nərgiz qoxusu...

 

...Allah bizə murad ver,

Bir cüt bəyaz qanad ver...