Zəka Vilayətoğlu - Küçələrə yağan yağış...

Ədəbiyyat 15:50 / 16.04.2025 Baxış sayı: 3352

 

Küçələrə yağan yağış

Dönüb oldu sel, sel, sel, sel!

Aldı ətrafı cənginə,

Aciz qaldı el, el, el, el!

 

Adamlar "çimdi", islandı,

Kiminin də canı yandı,

Bu nə boran, nə tufandı,

At oynatdı yel, yel, yel, yel?!

 

Hey əsdi elədən belə,

Qıydı hər çiçəyə, gülə,

Ağaclar baş əydi yelə,

Bu nə fəndi-fel, fel, fel, fel?!

 

Əlindən aldı çətrini

Yaydı hər yana ətrini

Çarəsizcə döndü tini

Bir incə bel, bel, bel, bel, bel!..

 

16.04.2025