***

neylədilər

şair Akif Əhmədgilin çiçəklərinə?

qıydılar,

onları yaman günə qoydular,

yolub pörşələdilər,

heç elədilər...

al qanlarına etdilər qəltan--

qanını tökdülər qızılgüllərin,

dağın üstünə çökəntək duman

onların üstünə çökdülər,

əzdilər dabanlarıyla,

baş-başa qalmadılarmı vicdanlarıyla?

şair Akif Əhmədgil

ağlamadımı, görən,

ölən- solan çiçəkləriyçün?

ağlayıb yəqin, özü də hönkür-hönkür--

ürəyin birdən dolar ha ağlarsan,

eynən o çür...

...qətl edilən,

həyatlarına qəsd edilən çiçəkləri

Tanrı qoxlayır indi

heyranlıqla,

canı yananlıqla həm də,

hə...