Əlizadə   Nuri -   Nə yaxşı o göylər çox hündürdədi

Ədəbiyyat 08:54 / 04.09.2026 Baxış sayı: 1126

 

Rastına çıxmayan o xoş günlərin,

Yel olub yanından əsə bilirsən.

Yaxşı ki, o göylər çox hündürdədi-

Başını dik tutub gəzə bilirsən.

 

Əgər çəkə bilsən- avar dünyadı,

Sənə kim demişdi hamar dünyadı?

Sənin qolundakı damar dünyadı-

Kəsmək istəyəndə kəsə bilirsən.

 

Ömür bir çuxurdu- yığılır yaşım...

Bu baş ağrısına qarışıb başım.

Dinə bilməsən də, ay "lal" qardaşım-

Sən də bu dünyada nəsə bilirsən...