Ələsgər ƏLİOĞLU : - GECİKMİŞ SEVDA
Ədəbiyyat
19:45 / 22.03.2025
Baxış sayı: 772
De bu nə qismətdi,
De bu nə baxtdı,
Çıxdın ürcahıma ömrün bu vaxtı?!
Bircə yol gözaltı üzümə baxdın,
Gördüm ki, başıma bu dünya darmış.
Sinəmi iynətək hisslər deşirdi,
Ötən ömrə-günə nağıl düşürdü...
Baxdım ağ üzünə...
Elə düşündüm,
Yayda əriməyən sehirli qarmış.
Təzədən gün doğdu qışıma bəlkə,
Bəxt döndü bir şahlıq quşuna bəlkə!
Səni çıxarmaqda qarşıma bəlkə,
Taleyin
Mənimlə oyunu varmış!..
29Vəsimə İsmayılqızı Qarayeva, Ferhad Meherremov və başqa 27 nəfər
