Çarxı dönüb yenə köhnə qədərin,

Sıxır məni caynaqları kədərin...

Nəfəs aldım - nə dayazdı, nə dərin -

Anlaşmağa çalışıram özümlə!..

Elə bil ki, quyudayam - yerim dar,

(Bəlkə buna sevinim ki, yerim var?!)

Gör üstümə , yayda necə yağır qar -

Əridirəm nəfəsimlə, gözümlə!..

Nazilibdi, tük kimidi "ah" sapı,

Qarışdırıb ağ tük ilə ağ sapı !..

Mənim bəxtim niyə belə axsadı -

Ayaqlaşmır qələmimlə, sözümlə!..

Susur hələ, bu düyünü "aç! " deyən,

"Dur özündən, sən özünə qaç"- deyən!

Şükürlərki, inadım var - daşdöyən -

Dil tapıram külümlə, həm közümlə!..