Əbülfət Mədətoğlu : - Allaha oxunan şeir

Ədəbiyyat 09:28 / 18.03.2023 Baxış sayı: 2848

 

Mən bəndənin Sən Rəsula,

Diləyin bağışla, qula!

Ürəyimi şumla, sula -

Dualarım çiçəkləsin!..

 

İzin almadan heç kimdən,

Qayıdıb xəyal biçindən!..

Seçib səslərin içindən -

Sənə aid çiçək səsin!..

 

Tellərini gözüm sayır,

Mənim üçün üç tel ayır!

Əl toxunub üzə yayır -

Hiss eləyir çiçək nəsim!

 

Bərə qurur ah!- da canda

Candan cana axan qanda!..

Əbülfət deyir, cahanda -

Bəsimdi, bir çiçək, bəsim!..