Bu Yol Zəfər Yoludur - Gəray Göyyurd

Ədəbiyyat 15:10 / 25.05.2023 Baxış sayı: 3559

Bu Yol Zəfər Yoludur

 

Bu yol zəfər yoludu,

Bu yol hünər yoludu.

Mutlu, xoş gələcəkdən

Gələn xəbər yoludu.

 

Ana xətti qəlbimdən

Gəlib keçir birbaşa.

Bu yolda ilk moladır,

İlk duracaqdır Şuşa.

 

Bu yol sülhün, barışın,

Bu yol haqqın yoludu.

Üç yüz milyonluq Türkün-

Böyük xalqın yoludu!

 

Gəlir çox-çox qədimdən,

Gedir yönü sabaha.

Bu yolun yolçuları

Üz tutubdur Allaha!

 

Bu yol vatana gedir,

Dinə, imana gedir.

Bu yolu tanıyıram,

Bu yol Turana gedir.