Ulker Nicatlı : -Gözlərim səni axtarır

Ədəbiyyat 17:34 / 17.04.2025 Baxış sayı: 1036

Gözlərim səni axtarır

Səni necə sevdiyimi

deyə bilmirəm,

bu amansız qadın qüruru

paslı qıfıl kimi

asılıb dadaqlarımdan.

İçimdə ağlayan

Duyğularımın göz yaşını

musra-misra silirəm,

Sonra yalandan

güzgüdə özümə baxıb

gülürəm.

Ah, bir bilsəydin

necə üşüyür

üzümdəki təbəssüm,

necə üşüyür

əllərini vüsalına uzatmış

ümidim…

Gözlərim səni axtarır…