Adil ŞİRİN -Qürbətə bənzəyir sənsiz bu şəhər,
Ədəbiyyat
16:35 / 19.05.2025
Baxış sayı: 1209
Qürbətə bənzəyir sənsiz bu şəhər,
Xatirə yağışı yağır axşamlar.
Qürbət dənizdir lacivərd Xəzər,
Yağış ürəyimə axır axşamlar.
Yağış ürəyimə axır axşamlar,
Dəli-divanədir sahil küləyi.
Mənim ürəyimdə şeir yuvası,
Mənim ürəyimdə ümid çiçəyi.
Mənim ürəyimdə ümid çiçəyi,
Süslənir xatirə yağışlarında.
Yazdığım şeirlər, dediyim sözlər
İslanır xatirə yağışlarında.
İslanır xatirə yagışlarinda,
Könlümün həmdəmi cökə ağacı.
Yağış damlaları axır üzumdən,
Yağış damlaları bu axşam acı...
