bir az da işıqdan danış, nə olar,

gecəyə ələnsin işıqlı sözlər...

ulduzlar göz vurur biri-birinə,

ay isə həmişə bizdən sirr gizlər...

bir az da işıqdan danış, nə olar,

bir üz qoymamış ki, qaranlıq-andır...

dilini iti tut, əlini yeyin,

işıqlar sönəndə bir sözü yandır...

nur gəlsin üzünə,

elə gülümsə,

ümid ürəyimdə bir işartıdır...

bəlkə bir duyğuya köklənməliyik;

dünyada sevgiylə işıq artıbdı...

bir az da işıqla sevinək, gülək,

gül əkək, bilək ki, işimiz haqdı...

kölgə sal, qoy işıq düşsün üstümə,

işığın üstündən keçmək, günahdı...

2025