Yükü duzdu, dəmir deyil

Nəm çəkir aşkar hər şeydən.

Yanıb amma , kömür deyil -

Düşməyibdi canı heydən...

Gözü seçir ovuc için

Gedir, söykənib çəliyə...

Xəyalında xırman, biçin -

Dünya qalıb bir dəliyə!...

Düyün düşür dilin ucu ,

Tez-tez çəkdiyi bir addan...

Yapışmaqdı əlin suçu -

Bu boş, mənasız həyatdan!..

Özünün özünə qəsdi

Allah cəzasından betər!..

Bircə təbəssümü bəsdi! -

Yanında olmağa yetər...

...Sərhəddi itib zamanın

Birdi ona gündüz, gecə...

Qoruyur sevgi inamın -

Həsrətlə hər an heç- heçə...