İSMAYIL İMANZADƏ : - SƏRVƏT DÜŞKÜNÜDÜR BƏŞƏR

Ədəbiyyat 08:10 / 30.04.2025 Baxış sayı: 2421

 

Boş xülyalar qızıl balıq,

Halallıq şərəf-ucalıq.

Kəsər qapını qocalıq,

Boy-buxun bükülən kimi.

 

Utanıb-qızarmasa üz,

Xəynətdən qalarmı iz?

Yalan şadlanar, doğru söz

Çarmıxa çəkilən kimi.

 

Ah-nalə amansız yağı,

Sevinc qəm-qüssə ortağı...

Zülmətin çatlar dodağı,

Dan yeri sökülən kimi.

 

Sərvətə uyanda bəşər,

Öz nəfsinə girov düşər...

Yeriklər nahaqq qana şər,

Bir buğum dikələn kimi...

26.04.2023