QINAMA - Kəmalə Abiyeva
Qınama ,gəlmişəm, mənəm önündə
arzumun əlində donmuşam indi.
Vüqarım önündə hey titrəsəm də,
eşqin kölgəsinə dönmüşəm indi.
Qınama, gəlmişəm, mənəm önündə,
nə qədər yaxınıq,nə qədər uzaq...
Bilmirəm nələrim qalıbdı səndə,
ömrümdə çox şeylər qoymusan ancaq...
Mənimlə bir sevda dünyası qurdun,
könül arzularım yolları idi.
Bəs sən bu yollarda nə tez yoruldun?
İtirən mən idim, tapan sən idin...
Səni unutmamaq, unutmaq çətin,
gör necə doğmasan, gör necə yadsan?!...
Sevməyi sən mənə axı öyrətdin,
Niyə unutmağı bəs öyrətmədin?
Sənli günlərimə dolaşıb zaman,
Kim deyir sevgidə ürək mətindi?
Mən ki öz özümü unudub tamam
Eşqin kölgəsinə dönmüşəm indi….