Bəşər tarixinə imzasın atan,

Nurdan işıq saçan,"Nur"a baxıram.

Peyğəmbər etdiyi əmanətinin,

Duyuram ətrini,"Yar"a baxıram.

Məzarı tapılmaz,gəştini etmə.

Bu yolda hikmət var,dərinə getmə.

Əhdinə vəfa qıl,çarəsiz ötmə-

Sayıram sətrini," Yar"a baxıram.

Eşqindən divanə gəzirəm hər an.

Arzumdur qovuşmaq,yetişər "Zaman".

Bir ömür sığındım,etdim hey güman-

Yayıram qətrini "Yar" a baxıram.

                            ***

Həsrət çəkmə,dua elə a qardaş,

Dualardı kamı haqqa ötürən.

Dilindəki sözü qəlbin demirsə,

Ruh min ola,kimdi onu gətirən?!

Fərəc oxu,yetiş arzu istəyə.

Qıl namazı qoşul həmin dəstəyə.

Gecə boyu yazdın ahı bəstəyə-

Ah min ola,qəmdi onu gətirən.

Yorulmadan çəkdik dünya yükünü.

Gəzdik xəyal ilən eşqi,səkini.

Olmadıq həqiqi haqqın sakini-

Gah min ola,gündü onu gətirən.   

                                  ***

Soruşdum ki,bu qəm nədir,

Hər gecə yas saxlayırsan.

Qara donu qucağlayıb,

De- kim üçün ağlayırsan?!

Vüsalın ayrı bir dadı,

Qovuşmağın da bir sonu.

Hər biri ayrılıq dadır,

Bu da o sonluğun anı.

Ömür saat tanımır ki,

Anladasan olanları.

Gülüş saçan o üzləri,

Yaddaşında qalanları.

Gülüşdü ən gözəl cəza,

Axırında göz yaşarır.

Gözlərində gizli qalan,

Acılarla üz qırışır.