Kəmalə Abiyeva : - Bu dünyanı nağıl bilək...

Ədəbiyyat 17:09 / 21.06.2024 Baxış sayı: 3356

 

Havanın istisindən ayrılın, qəlbinizin istisini hiss edin.

Şeir olduğu kimi. Müxtəlif səhifələrdə paylaşılır. Müxtəlif insanlar səsləndirir. Hamısına təşəkkür edirəm. Amma mahnıda bir bənd nəqarət seçilir. O təkrar gedir. Buna diqqət etmək lazım. İstənilən halda Hamısına təşəkkür edirəm. Hər mahnının sözləri də belə məşhur olmur.

 

Dindi yenə xatirələr,

döndüm yenə o günlərə.

Istədim ki, əvvəlki tək

tutum sənin əllərindən.

Gözümüzdə, könlümüzdə

neçə arzu, neçə istək

xumarlanaq xoşbəxtlikdən,

bu dünyanı nağıl bilək…

Dindi yenə xatirələr…

Döndüm yenə o günlərə…

İstədim ki, hara getsəm

yenə məni izləyəsən.

O ağacın kölgəsində,

o küçənin döngəsində

yenə məni gözləyəsən.

Həmin küçə, həmin şəhər,

döndüm yenə o günlərə.

İstədim ki, geri dönəm,

Qaynar gözlərini görəm,

baxışlarından titrəyəm.

İstədim ki, bu yollarda

yenə mənə rast gələsən,

guya elə sən də burdan

keçirmişsən təsadüfən.

Sən… Mən… Bir də xatirələr…

Həmin küçə, həmin şəhər.

Bilirəm ki, hara getsəm,

yenə məni izləyirsən.

O ağacın kölgəsində,

O küçənin döngəsində

yenə məni gözləyirsən.

Bilirsən ki, gələcəyəm,