Əlizadə Nuri : - KAM ALMAQ 

Ədəbiyyat, Gündəm 14:36 / 30.09.2022 Baxış sayı: 933

 

Arzuların dizinə

Baş qoyaraq yatmışam.

Beş günlük bu həyatı

Beş şeirə satmışam.

Dünya burdaydı indi-

Görüm hara atmışam…

Ulduzlarla oynayıb,

Öz başımı qatmışam…

Özgəyə yalan deyib

Özümü aldatmışam…

Bir günah eyləmişəm,

Min günaha batmışam.

Çox da öyünmə,ay qəm

Səni mən yaratmışam.

…Məni çağıran ölüm,

Bir az da döz, çatmışam…