Əlirza HƏSRƏT  - İNSAN OLAQ

Ədəbiyyat 18:36 / 20.11.2026 Baxış sayı: 453

 

Qədrini bilmədik bir-birimizin,

İnsanlıq eşqinə gəl insan olaq.

Qızıl söz deməyə nə var ki elə,

Biz gərək özümüz,ləl insan olaq.

 

Eləyib könlünü sevda sarayı,-

Taxta çıxaran var Günəşi,Ayı.

Saxlayaq süfrədə dilənçi payı,

Bizə uzananda əl,insan olaq.

 

...Köhnə xatirədir bu baş,bu əyin,

Ahına diksindim neyin,tütəyin.

İnsanlıq sevdası bitib deməyin,

Eşqə,məhəbbətə qul insan olaq.