Əbülfət Mədətoğlu : - Məktub...

Ədəbiyyat 10:05 / 18.02.2024 Baxış sayı: 4210

 

Qələmlə, gözlə yazıram...

"Özünü gözlə!.." yazıram

Ən isti sözlə yazıram -

oxuyanda biləcəksən...

 

Tapıb bir forma - yazıram,

Uyğun bir norma - yazıram...

"Özünü yorma!" - yazıram -

oxuyanda güləcəksən!..

 

"Özünü şux tut!" - yazıram,

"Özünü sıx ,tut!" - yazıram...

"Əlimdən, çıx tut!" - yazıram -

oxuyanda gələcəksən...

 

...Sünbül, sən dəndən yazıram,

Bülbül mən, məndən yazıram ...

Hər an, mən səndən yazıram -

Bu günsən, həm gələcəksən!