Əbülfət Mədətoğlu : - Etiraf

Ədəbiyyat 09:49 / 29.03.2023 Baxış sayı: 579

 

...başlayır bu şəhərin

sənsizliyi...

başlayır bu şəhərin -

mənsizliyi...

 

Elə qapı önündə-

başlayır - ayrılıq bu...

Nə var bu an könlündə -

onu , göz yaşınla yu!..

 

Əl də uzatma birdən,

Əl izi düşər ələ...

Bu ayrılıq istidi -

onu duymuruq hələ...

 

Sadəcə ikimiz də

bu gerçəyə şahidik!

Qoşalaşır fikrimiz -

Ayaq üstə şəhidik...

 

Aparırsan özünlə -

Sən , səni də!..

Aparırsan özünlə -

Sən məni də!..

 

...Başlayır bu şəhərdə -

mənli Sənsizlik...

Başlayır bu şəhərdə -

Sənli mənsizlik!..