“Durum gedim”şe’rimin 30 – illiyinə

Bu dünyada hər üz gördüm,

bir üz göstər çıxım,gedim !

Ürəyini daşa döndər,

gözündən yaş axım,gedim !

Dağdan gələn su qapında,

dağ dərdimi yu qapında !

Işlət məni qul,qapında,

üz-gözünə baxım,gedim !

Demək-dilin söz təsnifi,

vaxt-zamanın öz təsnifi !

Ocağına köz təsnifi

öz odumu çaxım,gedim !

Daha məndə qalmadı sirr,

yarı Şaham,yarı əsir !

Yel gəlib başımda əsir ,

əlini ver,qalxım,gedim !

Bu dünyada hər üz gördüm,

bir üz göstər çıxım,gedim !

Ürəyini daşa döndər,

gözündən yaş axım,gedim !