Xatirə Fərəcli.- Xatirə

Ədəbiyyat 15:08 / 09.04.2025 Baxış sayı: 1224

Xatirə

İlğım idi,

ötüb keçdi dalğa-dalğa,

təpə-təpə,

rəngli-rəngli

...Xatirə...

nəğmə idi həzin, kövrək

oxunmadı,

naxış idi bər-bəzəkli

toxunmadı,

göydən gələn arzu idi

çatan olmadı

...Xatirə...

ümid idi

təzə dünya doğuldu,

beşiyində boğuldu,

ağlı başına bəla,

bir az havalı, dəli...

şəkli, izi düşüb qaldı ürəkdə

...Xatirə...

ürək idi döyünmədi,

elə gəldi, elə getdi

bu dünyaya endirmədi, enmədi

...Xatirə...